ඇත්තටම කාටද මේ ෆෙඩරල් හරි වෙනම රාජ්යක් හරි ඕනි? උතුරේ ඉන්න දෙමල මිනිස්සුන්ටද? දකුණේ ඉන්න සිංහල මිනිස්සුන්ටද?
ඉස්සෙල්ලම බලමු රටක් විදිහට සාමාන්‍ය මිනිස්සුන්ට තියන ප්‍රසන මොනවද කියල හිටන්.
ඕනිම රටක වගේ ඉතින් අපෙත් මුලික අවශ්‍යතා තමා වැදගත්.
ඉන්න හිටින්න ගෙයක් දොරක්, සාධාරණ මිලට කෑම බිම ගන්න, ළමයින්ට හොදට ඉගන ගන්න ගුරුවරු, පහසුකම් තියන හොද ඉස්කෝලයක්, ලෙඩක් දුකක් වෙලා ආණ්ඩුවේ ඉස්පිරිතාලෙට ගියාම කලට වෙලාවට බෙහෙත් ටික ගන්න, පරීක්ෂණ ඔක්කොම ආණ්ඩුවේ ඉස්පිරිතලෙන්ම කරගන්න. ලයිට්, වතුර...ඕව තම ඉතින් මම දන්නා තරමට සාමාන්‍ය මනුස්සයින්ට ඕනි හිටන්.
එත් දැන් අවුරුදු 50ක් 60ක් තිස්සෙම මේ ෆෙඩරල් කතාව අපේ රටේ කතා වෙනවා. පාර්ලිමන්තුවේ, පළාත්සභා වල ඉදල පත්තර වල කර්ටූන් වෙනකම්. විශේෂයන්ම චන්දයක් කිට්ටු වෙනකොට.
අපේ සිංහල, දෙමල මිනිස්සුත් දැන් මේකටම අහු වෙලා ඉන්නේ. සිංහල මිනිස්සු කියන්නේ ෆෙඩරල් දෙන්න බෑ රට කැලි වලට කැඩෙනවා කියල, දෙමල මිනිස්සු කියන්නේ ෆෙඩරල් නැතුව ඒ මිනිස්සුන්ට සාධාරණයක් ඉෂ්ට වෙන්නේ නෑ කියල හිටන්.
ඇත්තටම මේ සාමාන්‍ය මිනිස්සුන්ගේ අදහස්ද, නැත්නම් දේශපාලුවන්ගේ අදහස්ද?
ෆෙඩරල් ගැන කිව ගමන් මතක් වෙන්නේ ඉතින් දෙමල දේශපලුවන්වනේ. ඇයි මෙයාලට මෙච්චරටම ෆෙඩරල් වැදගත්? ෆෙඩරල් නැතුව කිසිම වැඩක් කරන්න බැරිද?
සිංහල දේශපාලුවන්ගේ හැටියට, දෙමල මිනිස්සුන්ට ෆෙඩරල් දුන්නොත් ඔය කියන තරම් දේවල් වෙනවද? මේ රට බෙදෙනවද?
නෑ, මේ කිසිම දෙයක් ඇත්ත නෙවෙයි. ෆෙඩරල් කියන්නේ දෙමල දේශපාලුවන් ජනතාවට සේවය නොකර පිට රටවලින් සල්ලි ගරන්නයි, සිංහල දේශපාලුවන්ට චන්ද කිට්ටු වෙනකොට ජනතාවගේ ඇත්ත ප්‍රශ්න අමතක කරවල චන්ද කඩගන්න්යි තියන වචනයක් විතරයි. මේ කෑගහන දේශපාලුවන්ගෙන් බහුතරයක් ඇත්තටම ෆෙඩරල් කියන්නේ මොකක්ද කියල දන්නෙත් නෑ හිටන්.
බැරි වෙලාවත් ෆෙඩරල් නෙවෙයි, උතුරෙන් වෙනම රටක් දෙන්න හැදුවොත් මොකක් වෙයිද? කවද හරි එහෙම දෙයක් උනොත් එකට වැඩියෙන්ම අකමැති එක නොකෙරෙන තැනට වැඩ කරන්නේ දෙමල දේශපාලුවෝ. මොකද එහෙම දෙයක් උනොත්, ඊට පස්සේ දවසේ ඉදල දෙමල මිනිස්සුන්ගේ ඇත්තම ප්‍රසන වලට උත්තර දෙන්න වෙන්නේ මේ දේශපාලුවන්ට.
දැන් මේ දේශපාලුවෝ කියන්නේ, අපිට බලය නැති හන්ද තම අපිට ඔයාලට සේවය කරන්න බැරි, අපි මේ හදන්නේ අපිට බලේ ගන්න කියල. ඊට පස්සේ අපි ඔයාලගේ ජිවිත දිවය ලෝකෙටත් වඩා ලස්සන කරනවා කියල. ඇත්තම බලේ ලැබුන දාට මෙයාලට උත්තර නැති වෙනවා.
එතකොට කව්ද ෆෙඩරල් හරි වෙනම රටක් හරි දෙනවට කැමති? ඒ වෙන කව්රුත් නෙවෙයි, දකුණේ කෑගහන ආතක් පාතක් නැති තුම්මුල්ලේ විමලේ වගේ ජාතිවාදී දේශපාලුවෝ. මොකද එහෙම දෙයක් උන ගමන් මෙයාලට ඇති තරම් දේවල් තියනවා කියන්න.
දැන්වත් මේ වංචාව තේරුම් ගන්න. එක එක දේශපාලුව වෙනුවෙන් කඩේ යන්න එපා. මොකද ඕකුන් එකෙක්වත් අපිට කරන්න ඇවිත් ඉන්න උන් නෙවෙයි, අපිව කොටවල උන් සාමයෙන් සමගියෙන් බෙදාගෙන මේ රට කනවා. අවුරුදු 70ක් උනෙත් එකම තම.
No comments:
Post a Comment
please put your comment here