ෆේස්බූක්

අද අපි හැමෝටම වගේ facebook ගිණුමක් තියනවනේ.එත් ලංකාවේ ගොඩක් අය තාමත් ෆේස්බූක් කියන්නේ කළුද,සුදුද කියලවත් දන්නේ නෑ. එහෙම ඉන්න ගොඩක් අය හිතාගෙන ඉන්නේ ෆේස්බූක් කියන්නේ අසභ්‍ය දේවල් තියන වෙබ් අඩවියක් කියලා .
 මේ ලගදි කුරුණෑගල පැත්තේ ස්කොලෙක ළමයෙක් සියදිවි නසා ගන්නත් මුල් වෙලා තියෙන්නේ මෙන්න මේ කළු මාරයා තමා. මට හිතෙන විදිහට ඒ පාසලේ විදුහල්පති හිතන් ඉදල තියෙන්නේ ෆේස්බූක් කියන්නේ මහා අසභ්‍ය වෙබ් අඩවියක් කියලා . ඒ නිසාමනේ ඒ ළමයට ෆේස්බූක් එකේ ෆොටෝ එකක් දැම්ම කියලා දරුණු විදිහට බැනල තියෙන්නේ.

ඇත්තටම ඇයි මිනිස්සු අතර ෆේස්බූක් ගැන මේවගේ වැරදි චිත්‍රයක් තියෙන්නේ? ප්‍රදාන වශයෙන්ම මාධ්‍ය විසින් ඇති කරලා තියන වැරදි චිත්‍රය තමා. අපේ මාධ්‍ය නිදහසක් ගැන කථා කරා උනාට කව්රුවත්ම මාධ්‍ය සදාචාරය ගැන කථා කරන්නේ නෑ.අද අපේ රටේ තියන ගොඩක් මාධ්‍ය කරන්නේ ජනතාවගේ දුක විකුණන එකයි, පුහු දේවල් මහා ලොකුවට මවාපාන එකයි තමා.

ෆේස්බූක් වැටෙන්න අන්න ඒ මවාපාන පුවත්ගණයට. ගොඩක් සතිඅන්ත පත්තරවලට අනුව ෆේස්බූක් කියන්නේ කොල්ලන්ට,කෙල්ලන්ට බොන්න කුඩු ගහන්න,සෙක්ස් කරන්න බීච් පාර්ටි සෙට් කරන, අහිංසක කෙල්ලන් (එහෙම අය ඉන්නවනම්) එයාලව බිලී බාගන්න බලාගෙන ඉන්න සල්ලාලයන්ගේ පාරාදීසයක්.කෙල්ලන්ගේ ෆොටෝ දාලා කප්පන් ගන්න පුලුවන් තැනක් කියලා.

ඒ අතින් බලපුවම මිනිස්සු  එහෙම හිතන එකේ  වරදක් නෑ.

අපේ  හල් පාරූ දෙසපලුවන්ගේ හැටියටනම් ෆේස්බූක් කියන්නේ මේ ජනතාවාදී, ප්‍රජාතන්ත්‍රවාදී ආණ්ඩුව පෙරලන්න බලාගෙන ඉන්න අධිරාජ්‍යවාදී කුමන්ත්‍රණයක්.
 හැබැයි මම මේකෙන් කියන්නේ නෑ ෆේස්බූක් කියන්නේ 100% පිවිතුරු වෙබ් අඩවියක් කියලා.ඒක හරියටම කිවොත් දැනගෙන ගියොත් කතරගම නොදැන ගියොත් අතරමග වාගේ තැනක්. එත් ඉතින් අපේ ගොඩක් අයට යන්නේ කොහෙද කියන එක අමතකයිනෙ. ඒ වගේ සිද්දි නිසා සම්පුර්න වැරැද්ද මාධ්‍ය කියලම කියන්නත් බෑ.
අපේ ජනතාව කවදා ෆේස්බූක් ගැන නියම අවබෝධයක් ලබා ගනීද දන්නේ නෑ..හැබැයි එහෙම අවබෝදයක් ලැබුන දවසට ෆේස්බූක් හරහා ගන්න පුළුවන් හොද දේ විතරක් ගන්න පුරුදු වෙයි.